Hizkuntzaren Didaktika

Gabon!

 

Bihar Hizkuntzaren Didaktika eta Atzerriko Hizkuntza irakasgaiaren azken eguna da, taldekako proposamen didaktikoak aurkezteko eguna hain zuzen ere.

 

Irakasgaiaren lehenengo zati honetan hainbat ideia eta kontzeptu landu ditugu, zeinak zeharo baliagarriak izan diren hizkuntzaren irakaskuntza ikuspegi komunikatibo eta dialogiko batetik ulertzeko.

 

Jorratutako hau guztiau lan ezberdinen bidez praktikara eraman dugu. Blog-ean zehar zeregin hauek ikusgai dituzuen arren, lana erraztekotan, jarraian zerrendatuko dizkizuet:

 

Ikasgelan burututako ariketak

Ikerketa-proiektua: ipuinak eta ahozkotasuna

Esku-hartzea: Gabonak eta ahozkotasuna

Proposamen didaktikoa: jolasen arratsaldea

 

Baliagarriak eta interesgarriak izango zaizkizuelakoan, agur! 

Proposamen didaktikoa

Egunon!

 

Berriro ere hemen naukazue. Oraingo honetan taldean prestatzen dihardugun proposamen didaktikoaren berri ematera natortzue. Nire taldekideek eta nik gaia aukeratzeko hainbat buruhauste izan ondoren, jolas eta jokoen ingurukoa egitea erabaki dugu. Izan ere, haurrek gustuko duten gaia izateaz gain, giro alai eta entretenigarri baten baitan ahozkotasuna jorratzeko aukera paregabea eskaintzen du. Jadanik hasiak gara buru-belarri lanean eta badaukagu planteamendu orokorra zehaztuta eta argitaratuta. Pixkana lana osatzen eta garatzen joango gara, hilabete bukaerarako amaitua izango dugularik. Interesa izanez gero, esteko honetan duzue ikusgai. Espero dut erabilgarria eta zuen gustukoa izatea!

Proposamen didaktikoa: jolas eta jokoak

 

Esku-hartzea: BUKATUTA

Jakin badakizuenez, praktika aldian nik neuk diseinatutako esku-hartzea aurrera eraman behar izan nuen. Gabonak bukatzearekin batera interbentzio horri dagokion lana ere bukatu dut. Jarraian duzuen estekan lanaren azken bertsioa duzue ikusgai. Hobetzeko proposamenik izanez gero, entzuteko eta moldatzeko prest nago. Ea interesgarria iruditzen zaizuen!

Esku-hartzea: Gabonak eta ahozkotasuna

Urte Berri On!!

Aspaldiko!

 

Jadanik badira 8 egun urte berria hasi genuenetik eta ia hiru hilabete blog honetan sarrera berririk argitaratu ez dudanik. Ordutik gauza asko gertatu dira, tartean praktika aldia. Bi hilabete hauetan bizitakoa esperientzia izugarria eta aberasgarria izan da. Oso oroitzapen onak daramazkit eta ez ditut erraz ahaztuko.

 

Urte berria primeran joango zaizuelakoan, hurrena arte!

Esku-hartze proiektua

        Haur Hezkuntzan ahozkotasuna lantzea garrantzitsua dela ez du inork zalantzan jartzen. Testuinguru baten baitan testu-genero ezberdinak jorratzea ezinbestekoa da, ikasleen aurrezagutzetatik eta interesetatik abiatuz jakintzan sakontzeko. Ideia hori abiapuntu eta oinarri bezala harturik, nire esku-hartzearen diseinuan dihardut.  

 

         Jarraian duzuen estekan nire lanaren garapena ikus dezakezue. Zuen interesekoa eta gustokoa izatea espero dut!

 

Esku-hartzea: Gabonak eta ahozkotasuna

Esku-hartze proiektua

           Ahozkotasunaren gaineko esku-hartze bat diseinatu eta aurrera eraman behar dut. Blog honetan egindako aurrerapenen, izandako zailtasunen edota ateratako ondorioen berri emanez joango naiz. Horrela, sarrera hauek izango dira nire proiektuaren garapenaren lekuko.

 

          Hasteko, abiapuntua zein den zehaztekotan, lanaren jarraibideak dituzue ikusgai:

 

 

Hizkuntzaren Didaktika eta Atzerriko Hizkuntza

Oraintsu aipatu bezala, Haur Hezkuntzako Graduan dihardut buru belarri. Ikasturte osokoa den "Hizkuntzaren Didaktika eta Atzerriko Hizkuntza" irakasgaian hain garrantzitsua den ahozkotasuna Haur Hezkuntzako ikasgelan nola landu ikasten ari gara. Kontzeptu eta ideia interesgarriak lantzen ari gara alderdi teorikoa eta praktikoa uztartuz. Egiten dihardugunaren gainean interesa baldin baduzue, eskuineko zutabean (egutegiaren azpian, zehazki) baduzue ikasgelako beste hiru kiderekin sortutako blog-a. Bertan trasteatzera animatzen zaituztet hainbat konturen berri izan dezazuen. Bestalde, ipuinaren irudian klikatuz gero, gure ikerketaren (ipuina eta ahozkotasuna HHko gelan) nondik norakoak ikusteko aukera izango duzue. Zuen gustukoa izango delakoan, agur bero bat!!